إذا كنت بتشتغل مع Claude Code بشكل يومي، أكيد صار معك صعوبة بإدارة خمس أو ست (sessions) شغّالين بنفس الريبو، كل واحد بـ Tab مختلف بالـ Terminal، وما عاد تعرف مين خلّص، مين عالق، ومين بحاجة مراجعة أو موافقة من ربع ساعة 😅 وجع راس صراحة
بنيت أداة صغيرة لحل هالمشكلة: Claude Nodes.
تطبيق (Desktop) للماك (ويمكن بيشتغل على ويندوز ماجربت صراحة) بيعرض كل الـ sessions تبعك بالريبو على لوحة وحدة (Board)
1. حالة كل Session بنظرة وحدة
كل Card إلها نقطة ملونة: 🟠 عم يشتغل · 🔴 بحاجة مراجعة · 🔵 انتهى.
2. الـ Terminal الحقيقي، مو نسخة عنه
لما تكبس على الـ Card بيفتحلك الـ claude TUI الأصلي نفسه، أو بتقدر توسّع الـ Card على اللوحة وتتابع كذا session عم تشتغل بنفس الوقت. وبتكبس T لتفتح (shell) عادي بمجلد المشروع.
3. Session جديدة من سياق Sessions قديمة
هي الميزة المفضلة عندي: بتختار كذا Card، وبيطلع لكل وحدة (handoff summary) بيلخّص شو انعمل فيها، بتراجعه وبتعدّله، وبيصير هو أول (prompt) للـ session الجديدة. يعني بتبلش من سياق جاهز بدل ما تشرح كل شي من الصفر.
4. أرشيف فيك تبحث فيه
الـ sessions القديمة بتبحث فيها بمجرد ما تكتب، وبتسحب أي Card لبرّا لتكمّل فيها من مكان ما وقفت.
كيف شغّالة من جوّا؟ (هذا القسم مكتوب بال AI)
للمهندسين اللي بيحبوا التفاصيل 👇
الـ Sessions عادية تماماً: كل Card جديدة بتشغّل claude --session-id والاستكمال بيكون بـ claude --resume. يعني ما في (lock-in): نفس الـ session بتقدر تكمّلها من أي terminal، وإعداداتك والـ hooks والـ MCP servers تبعك كلها شغّالة.
الحالة جاية من Hooks: التطبيق بيضيف (hooks) خاصة بالعمليات تبعه عن طريق --settings، وكل hook بيبعت (POST) لسيرفر محلي على 127.0.0.1 محمي بـ (token). مثلاً PermissionRequest أو AskUserQuestion = 🔴، و Stop = 🔵. وبما إنو Esc و Ctrl+C ما بيطلقوا أي hook، التطبيق بيراقب هالضغطات كمان.
الـ Cards مقروءة من الـ Transcripts: بيقرأ ملفات الـ (JSONL) اللي Claude Code بيكتبها بـ ~/.claude/projects، والـ (parsing) تدريجي ومخزّن (cached) فحتى التاريخ الكبير بيفتح بسرعة.
التلخيص ما بيلمس الـ Session الأصلية: لكل session مختارة بيشغّل claude -p --resume <id> --fork-session --no-session-persistence، يعني (fork) بيكتب الملخص وبعدين بينرمى، وبحد أقصى ثلاثة بنفس الوقت.
جرّبها
الكود كامل مفتوح على GitHub، وأي (feedback) أو (issue) أو (PR) أهلاً وسهلاً فيه 🙏
ملاحظة: التطبيق لسا مو (notarized)، فأول مرة macOS رح يمنعه. افتحه مرة، وبعدين روح على System Settings → Privacy & Security وكبس Open Anyway.
دمتم سالمين 🫡
